"සරා "

                     
"සරා" කියන්නේ මගේ යාලුවෙක්, හරියටම කියනවනම් අහම්බෙන් හම්බවෙච්ච යාලුවෙක්. ("සරා "කියන්නේ මෙයාගේ හරි නම නෙමේ ඇත්ත නම කියන ඒක හරි නැහැනේ )මමයි සරයි ආශ්‍රය කරන්න පටන් ගත්තේ උසස් පෙළ කරන කාලේ මම 13 ඉන්න කොට සරා 12හේ ,ඒ උනාට සරා හරිනම් ඉන්න ඕන 13 වසරේම තමා  කොහොමින් කොහොම හරි සරා මගේ ෆ්‍රෙන්ඩ් ලිස්ට් එකට ඇඩ් උනා .


                                                            අපි ඒ ලෙවල් වලට ක්ලාස් යනකොට සරාලත් ක්ලාස් ආවේ ඒ පන්තියටම තමා ,අපිට පන්තිය ඉවර උනහම ඒ සර්ගේම ඊලගට තියෙන පන්තිය සරාලගේ පන්තිය, ඔය පන්තියට ආවා ඒ දවස් වල ජනප්‍රිය වෙලා තිබුන වැඩසටහනක රගපාන ගෑනු ළමයෙක් ,අපි ක්ලාස් ඉවර වෙලා එලියට එන්න යනකොට අර රගපාන ළමයා ක්ලාස් එකට ඇවිත් හිටියා අපේ යාලුවා සරාත් කට අරගෙන බලාගෙන හිටියා ඒ දිහා  ,අපේ ක්ලාස් ඒක ඉවර කරලා එලියට ආපු සර් සරාට පැත්තකට අඩ ගහලා මොන මොනවද කියනවා මම ලාවට වගේ දැක්කා .කොහොම හරි දවස් දෙක තුනකට පස්සේ මට සරාව පාරේදී හම්බුනා මම උත් එක්ක චැට් එකක් දාගෙන ඉන්න කොට ඌ කියනවා මෙන්න මෙහෙම            

සරා :- මචන් උබ දන්නවද සීන් එකක් ?

මම :- මොකක්ද ?

සරා :-උබට මතකද  අර එදා උබලා ක්ලාස් ඒක ඉවර වෙලා යනකොට සර් මට පැත්තකට අඩ ගහලා කිව්වේ කියලා ?

මම :-නැහැනේ බන්, කියපන්කො ?

සරා :-මචන් සර් කිව්වානේ  "අරකිගේ චරිතේ එච්චර් හරි නැහැ " කියලා "


මට නිකන් මේක අහපු වෙලාවේ ඉදන් විකාර වගේ මොකද අපිට ටියුෂන් දීපු සර් සෑහෙන හොද මනුස්සයෙක්,කවදාවත් තමන්ගේ ගෝලයෙක් ගැන  ඔයවගේ කතාවක් කියයි කියලා විශ්වාස කරන්නත් බැහැ, මූ මට කියපු විදියට බොරුවකුත් නෙමේ වගේ  නමුත් දැන් මගේ හිතට හෙන අප්සෙට් මේකේ ඇත්ත නැත්ත දැනගන්නකම් ,ඊලග දවසේදී කොහොම හරි සර්ගෙන්ම ඕක ගැන අහලා දැනගන්නවා කියලා හිතාගෙන තමයි මම පන්තියට ගියේ එදා, මොකද සර් මගෙත් එක්ක හිතවත් සෑහෙන්න සමහර මාසවල මගෙන් සල්ලි ගන්නෙත් නැහැ ක්ලාස් එකට (මම ඒ දවස් වල ඒ සර්ගේ රෑට  පෝස්ටර් අලවන වැඩවලට සපෝර්ට් කරනවා සමහර වෙලාවට )  කොහොම හරි මට පොඩි වෙලාවක් සෙට් උනා සර් එක්ක කතාකරන්න මම එකපාරටම සර්ගෙන් ඒ ගැන අහන්නේ නැතුව වටින්ගොඩින් ප්‍රශ්නය දැම්මා

මම :- සර්  සරාට  කිව්ව අලුත්  ඉකෝන් ක්ලාස් එක කොහෙද සර් හරියටම තියෙන්නේ ?(අපි  එකවුන්ට් වලට යන ක්ලාස් ඒක මේක )

සර් :-මොන ක්ලාස් එකද බන් @#$%^&*?

මම:-ඇයි ඌ මට කිව්වනේ සර් ගිය සතියේ අපි පන්ති ඉවරවෙලා යනකොට ඌට ක්ලාස් එකක් ගැන කිව්වා කියලා ?

 සර් :-මම ක්ලාස් එකක් ගැන නෙමේනේ බන් උට කිව්වේ ඉස්සරහ කඩේට ගිහින් මට යනකොට ගෙදර අරන් යන්න  ආප්ප 20 කට  ඕඩරේ   දීලා එන්නනේ බන් කිව්වේ ....?

සරා  මොනවා හරි කිව්වහම ඒක ගොඩක් වෙලාවට ඒ කනින් අහලා මේ කනින් පිට කරන්න ඕන කියන ඒක මට මුලින්ම තේරුනේ ඒ වෙලාවේ තමා .


      සරා කියන්නේ උපතින්ම මල් වලට ආසාකරන පොරක් අපි කොච්චර හරි ඉදලා හිටලා හරි අඩියක් ගහන්න සෙට් වෙච්ච වෙලාවට මූට සොට් එකක් පොවන්නේ හරි අමාරුවෙන්  හැබැයි මූ අපි බොනකම් "කංසා" හේනකට හරි වගකියයි ඒ වගේ ඩයල් එකක් තමා මූ ,ඊට අමතරව මූ පැනිවලට/ පෙතිවලටත්  හෙන පෙරේතයා
දවසක් මම ගමනක් ගිහින් ඉන්නකොට මට සරාගේ ලයින් ඒකෙන් කොල් එකක් ආවා හැබැයි කතාකලේ වෙන යාලුවෙක්
සිරා :-"මචන් මම සිරා , සරාගේ යාලුවා"  
 හෙනම අප්සට් මූඩ් එකකින් මූ කතා කරන්නේ මටත් අප්සෙට් දැන්
මම :-ඔව් කියහන් මචන්

සිරා :-මචන් අපි පොඩි සැපකට සෙට් වෙලා හිටියේ  මලක් ඇදගෙන , ඒක පාරටම සරාට සිහිය නැති උනා බන්

මමනම් හිතුවේ සුදුකොඩ්ම තමා කියලා මමත් ඉක්මන් කරලා එනකොට ගෙවල් ගාව ඉස්පිරිතාලේ සරාව ඇඩ්මිටි කරලා යාළුවො දෙන්නා ඉන්නවා ගේට්ටුව ලගට වෙලා සික්කොන්ට කියලා මම අවෙලාවේම ඇතුලට ගියා මූව බලන්න පොඩ්ඩක් කිට්ටු කරලා ඇහුවා මොකද උනේ කියලා.

"මචන් ඊයේ අම්මයි තාත්තයි වන්දනා ගමනක් ගියාබන් මමයි/ සිරායි /නිමයි පාර්ටියකට සෙට් උනේ බන් මල් ටිකකුයි පැණි ටිකකුයි ගෙනල්ලා සැපේ ඉන්න කොට එකපාරටම පපුව හිරවෙලා ගිහින් මට සිහිය නැති උනානේ බන් ඒක නෙමේ සිරාගෙන් අහපන්කෝ දවල් ඉතුරුවෙච්ච මල් පොඩ්ඩක් නැද්ද කියලා ?"

මූට සේලයින් 2ක් දුන්නම මූ ආපහු පියවි සිහියට ඇවිත් තීබුනා

                සරා පවුලේ එකම ලමයා  තිබුන දේපල ඔක්කොම කවදා හරි අයිතිවෙනවා කියලා දන්න නිසා වැඩිය අද්‍යාපනයට මහන්සි උන එකෙක් නෙමේ සරා                                                                                         වෙලාවකට මුළු කොලබම ඌට වඩා චන්ඩියෙක් නැහැ වගේ කතාව ,ඒක කාලෙක මූ පාරක තොටක පෙන්න නැති නිසා මම හැන්දෑ  වෙලාවක මුන්ගේ ගෙවල් පැත්තට පල්ලම් බැස්සා  යනකොට සරාලාගේ අම්මා ඉන්නවා මිදුලේ " ඇන්ටි කෝ සරා ඉන්නවද ?" මම ඇහුවම ඇන්ටි කිව්ව "ඔන්න ගේ ඇතුලේ ඉන්නවා පුතේ කාමරෙටම යන්න "කියලා මම හිතුවා මුට මොකක් හරි අසනීපයක් හැදිලා වෙන්න ඇති කියලා කාමරේට යනකොට මූ ඉන්නවා ඇදේ හාන්සි වෙලා මුනත් ඉදිමිලා

මම :- මොකද බන් මේ උනේ ?

සරා:-පොඩි සීන් එකක් උනා බන්

මම:-මොකක්ද සීන් ඒක ?

සරා:-උබ දන්නවා නේද අර ............හන්දියේ 3වීල් ස්පෙයාර් පාර්ට් විකුණන කඩ ටි‍ක තියෙන තැන ?

මම :-ඔව් ඔව්

සරා :- ගිය සතියේ පොඩිසීන් එකක් වෙලා උන් අපිට නෙලුවනේ බන් අම්බානකට මම මේ    එලියට    බහින්නේ   නැතුව ඉන්නේ වටේ පිටේ උන් මූන දැක්කොත් චාටර් නේ බන් ?

මම :-ඇයි බන් උබ කිව්වේ ඒ පැත්තේ උබට රජ සැලකිලි කියලා ?

සරා :-!@#$%^&*()_..........


                                       ජොබ් සම්බන්දවනම් මුගේ තිබුනේ මහම මහා එපා කරපු පසුගාමී මානසිකත්වයක් කොහෙන් හරි ජොබක් සෙට් කරලා දුන්නම මූ ඒ තැන වැඩට යන්නේ උපරිම මාස 2යි නැත්නම් 3 යි ඇයි නැවතුනේ කියලා ඇහුවම මූ කියන්නේ "අපිට ඔය වගේ ජොබ් එකක් කරලා ගොඩ යන්න බැහැ බන් "කියලා.
                                    මට හිතෙන විදියට තවම මූට හරියන ජොබ් එකක් ලංකාවේ නැහැ මොකද මමම මූට ජොබ් 15කට වඩා යන්න සෙට් කරලා තියෙනවා ඒකෙන් මූ වැඩට ගියේ 3න් තැනකට විතරයි ඒත් මාස 2යි උපරිම 3යි

    මුත් එක්ක විනාඩ් 10 ක් කතා කලොත් ඒ අතරතුර කෙල්ලෝ 2/3 දෙනෙක්ගේ පතිවත ගැන සියලුම විස්තර මුගෙන් දැනගන්න පුළුවන්  හැබැයි කියන දේවල් අපි සිහියෙන් අහන් ඉන්න ඕන නැත්නම් ඉවරයි මේ කාලේ සරා යාළුවෙලා හිටියේ අරංගල පැත්තේ ගෑනු ළමයෙක් එක්ක ,මම දවසක් ගෙවල් ලග හන්දියේ හිටියා යාලුවෝ දෙන්නෙක් එක්ක සරා අවා එතනට

මම :-මොකද මචන් අප්සෙට් එකේ වගේ ?

සරා :-නෑ බන් ගෑනු උනහම තියාගන්න ඕන ගානට කරේ නගින්න දෙන්න හොද නැහැ බන්

මම :-මොකද උනේ කියපන්කො ?

සරා:- නැහැ බන්  අද "ශානි  " ගෙදර ආවා , ඇවිත් ලොකු සීන් එකක් දැම්මා මම දුන්නා මචන් මෙහෙම කික් එකක්   අනිත් පැත්තට හැරිලා මෙහෙම පන්ච් එකක් දුන්නා ආයෙත් කියවගෙන ආවා දුන්නා නකල් පාරක් ගේම ඉවරයි ....!@#$%^&*......(ශානි කියන්නේ මුගේ කෙල්ල)
 මම ගිහින් එන්නම් බන් ...


මගේ හිටපු යාළුවො දෙන්නා ෆුල් හොල්මන් වෙලා මුගේ කතාවට එකෙක් මගෙන් ඇහුවා "අඩෝ අරූ කෙල්ලට ගහපු විදියට හොස්පිටල් ඇඩ්මිට් කරන්න වෙන්න ඇති නේද ?"මම මුකුත් කියන්න ගියේ නැහැ මොනවා උනත් ඌ චාකරන්න හොද නෑනේ  ඊට අවුරුද්දකට විතර පස්සේ මට ඌව හම්බ උනා ශානිත් එක්ක .

සරා :-"අපි බැන්දා මචන් "..............

මම :- !@#$%^&*().......
.(කවදාවත් තේරුම් ගන්න බැරි උන චරිතයක් නිසායි මූ ගැන ලිව්වේ සමහර විට මෙලෝ රහක් නැතුව ඇති )