"ගුප්ත "ගැන දන්නවද ?

ගුප්ත කියන්නේ අපේ හොද යාලුවෙක් ඌ වෙනුවෙන් මගේ බ්ලොග් එකේ ලිව්වේ නැත්නම් ඒක ලොකු අඩුවක් හැබැයි මූ අර කලින් කිව්ව සරා වගේ ජාතියේ එකෙක්නම් නෙමේ .



හැඩරුව කොයි වගේද කියලා කෙටියෙන්ම කියනවනම් ඔන්‍න‍ ඔය උඩින්ම දාලා තියෙන පොටෝ කෑල්ලේ හාදයා වගේමයි අපේ ගුප්තත් ,කොළඔ ප්‍රධානම පෙලේ පාසලක සිසුවෙක් තමා අපේ ගුප්තයා අපි කතාවටනම් කියන්නේ මූ ඉස්කෝලෙට ගිය දවසේ ඉදන් ඉස්කෝලේ දීප්තිය වැඩි උනේ උස පැනීමට කියලා මොකද මූ ඒ තරම්ම දක්ෂ තාප්ප වලින් පැනීමට නිසා  .

ඒ ලෙවල් කරලා ගෙදරට වෙලා ඉන්න කාලේ ගුප්තට ගෙදර පැවරිලා තිබුන ප්‍රදාන රාජකාරි උනේ පල්ලෙහා තියෙන ඒවා

• උදේට පාන් ගේන ඒක 
• දවල්ට පත්තරේ ගේන ඒක
• බල්ලව නාවන ඒක 

කොයි කවුරු කිව්වත් මූ උදේ 8  /8.30 වෙනකොට පාන් ගේන්න හන්දියේ කඩේට යන ඒක සුපුරුදු දර්ශනයක් ,දවසක් උදේ සුපුරුදු දින චර්යාවට ඒ කියන්නේ පාන් ගේන්න යනවා අපේ "ගුප්ත " මිනිහා ලගටම කරලා නැවත්තුව වෑන් එකක්

"නැගපන් නැගපන් ඉක්මනට නැගපන්   ..කෝ "

                                            නගින්න  කියන පරක්කුවට ගුප්තයා වෑන් එකේ ,හන්දියට යන්න වෑන් එකේ නැග්ග ගුප්තයගේ ගමන කෙලවර උනේ හම්බන්තොටටත් එහා ගමකින්, බැලින්නම් වෑන් එකේ සෙට් ඒක මළගෙදරක ඇවිත් තියෙන්නේ, හුටා දැන් ඉතින් ගෙදර යන්නත් සල්ලි කොහෙන්ද පාන් ගේන්න ගෙදරින් ඉල්ලන් ආපු රුපියල් 15/=ක් ද කොහෙද විතරයි තියෙන්නේ ඒ මදිවට ශෝටක් ගහලා ඉන්නේ.

                                                                         උදේ ඉදන් නාහෙන් අඩ අඩ හිටපු මූව පොඩ්ඩක් නලවගන්න පුළුවන්වෙලා තියෙන්නේ බෝතල් ඒක දෙක එලියට එනකොට තමා .කොහොම හරි දවස් තුනක් මළගෙදර හිටපු මුන් ආපහු කොළඔට ආවේ හතරවෙනි දවසේ දවල් වෙනකොට, ශේප් එකේ ගෙට ගොඩවෙලා වොෂ් එකකුත් දාගෙන ඇලට් එකක් දාගෙන හිටපු ගුප්තයාව ඒක පාරටම ඇහැරිලා තියෙන්නේ ඇදෙන් උඩින් විසිවෙලා ගිහින්, කොන්දේ කැක්කුමකුත් එනවා "මල ගෙදර හිටපු නිසා හොල්මනක්වත් ගැහුවද කියලා හිතාගෙන අඩනින්දෙන් ඇස් ඇරපු ගුප්තට මිහිරි නාදයක් කන වැකුනා තවත් පිට හරහා වැදුණු කොසු පාරක් එක්කම

"ඈ බූරුවෝ තොට හන්දියට ගිහින් එන්න මෙච්චර දවස් ගියාද? පාන් අරන් එන්න ගියපු එකා නැහැ කියලා තව පොඩ්ඩෙන් අපි පොලීසිත් යනවා බූරූ පැටියා "

                                         ඒ දවස් වල අද වගේ හෑන්ඩ් පෝන් තිබුනෙත් නැති නිසා මූ කෝල් එකක් එකක්වත් දීලා නැහැ ගෙදරට, ගෙදර මිනිස්සු අම්බානක බයවෙලා මූව හොයන කොට මළගෙදර ඉදන් ආපු ගමේ කට්ටියක් තමා කියලා තියෙන්නේ මූ එහේ හිටියා කියලා ,අම්මාගෙන් පණිවිඩේ ලැබුනම තාත්තා ෂෝට් ලිව් එකක් දාලම ඇවිත් මූට පූජාව දෙන්න .

                                                                        දැන් කාලයක් ඉදලම මූ වැඩ කරන්නේ ප්‍රදාන පෙලේ මූලය ආයතනයක එතන සෙට් එකම මූට ඒක පයින්ම ගැලපෙනවා වැඩ ඉවර උනහම හැමදාම සෙට්වෙන්නේ බොන්න බීලා බීලා තියෙන හැම ක්ලබ් එකටම රිංගලා  ඉවරවෙනකොට හැමදාම උදේ 3යි 4යි ,ගුප්ත යන්න ඕන බස් රූට් ඒක ප්‍රදානම බස් රූට් එකක් කෙලවර වෙන්නේ ගුප්තගේ ටවුන් එකෙන්මයි උදේ වෙනකන් බොන මූ කරන්නේ බස් එකක් නැගලාඇලට් එකක් දාගෙන  යනවා ගෙවල් පැත්තේ ටවුන් එකටම ගිහින් 7 අදින බස් එකේ පිටිපස්සේ නිදිය ගන්නවා5.30  විතර  ඒ බස් ඒක කොටුවට එනකොට 8.30 විතර වෙනවා මූ හරියට උදේ 9.00 වෙනකොට පුටුවේ, ඔෆිස් එකේ උන් මූ ගෙදර ගිහින් නෑ කියලා දන්නේ ගෙදරින් මූව හොයාගෙන ඔෆිස් එකට ආවහම

මොකද  ගෙදර මිනිස්සු මූව දවස් 4කින් එකදිගට දැකලා නැහැ ...!!!!!!

දැන්නම් මූ පවුල් පන්සල් වෙලා පාඩුවේ ඉන්නවා..... දවසක් රෑ අල්ලපු ගෙදර මිදුලේ නිදිය ගෙන ඉදලා තිවුනේ තමන්ගේ  ගෙදර කියලා හිතලා වැරදිලා අපේ ගුප්තයානම් නෙමේ ඕන් ....

ප.ලි.

පන්තිබාර  සර්ගෙන් කොන්ඩේ කපාගන්න සල්ලි නැහැ කියලා මූ රුපියල් පනහක් අරන් කොන්ඩේ නොකප පොල්ල තියපු ඒක අපි දන්නේ මෑතකදී