සල්ලි මිටි ගනන් ( සක්විතිලා ගැන නෙමෙයි )

                          
  සල්ලි දෙයියනේගේ මල්ලිලුනේ.. මටනම් පේනවිදියට අයියා වෙනවා ඇත්තේ ,මොකද සමහර වෙලාවට සල්ලි නැත්නම් දෙයියෝ හම්බවෙන්නත් බැහැනේ, බොරු කියල හිතෙනවනම් ප්‍රධාන පෙලේ දේවාලයකට ගිහින් බැලුවොත් හොදින්ම දැක ගන්න පුලුවන්වෙයි .අනික සමහරු සල්ලි ඉල්ලගන්නේ  දෙයියන්පල්ලා අහවල් දවසට අනිවාර්යෙන්ම ගෙනත් දෙනවා කියලා දස අතේ දිවුරලා උනාට පස්සේ  ඒ ගැන ගානක්වත් නැතුව ඉන්නේ සල්ලි දෙයියොන්ට වඩා බලවත් නිසා කියලා මට හිතෙනවා
                                                                               
                                                  නමුත් මම මේ කියන්න යන්නේ සල්ලි බලු වෙච්ච වෙලාවක් ගැන ඒ කියන්නේ බල්ලොත් නොකන සල්ලි ගැන.

        සමාජයේ ආශ්‍රය කරන කොට අපිට විවිධාකාර මිනිස්සු හම්බවෙනවා අන්න ඒ වගේ අය අතරින් මට මුණගැහුණු කෙනෙක් තමයි "කුමාර" කියන්නේ ,"කුමාරට" දියුණුවෙන්න පුදුම උනන්දුවක් තියෙන්නේ පොඩියට පෝර බිස්නස් එකක් කරන අතරේ අහුවෙන හැම බිස්නස් එකක්ම කරනවා නීතී විරෝධි නොවන,දවසක් මට කෝල් එනවා කුමාරගෙන්

කු :- මචන් කොහෙද ඉන්නේ ? පොඩි බිස්නස් එකක් තියෙනවා හවසට හම්බවෙලා කතා කරමුද ?

ම :- හවසට කලින් දාගත්ත වැඩ වගයක් තියෙනවා ,මොකක්ද සීන් ඒක ?

කු:- සල්ලි වගයක් මාරු කරන බිස්නස් එකක්

ම:- ඉතින් සලාකා එකට හරි කොටුවට හරි අරන් පලයන්කෝ වැඩේ කරගන්න පුළුවන්

කු:-නැහැ බන් මේක ටිකක් වෙනස් සීන් එකක්

ම :-ගස් යන වැඩක්ද ?

කු:- නැ නැ එහෙම අවුලක් නැහැ

ම:-එහෙනම් වැඩටික ඉවරවෙලා මම උබට කෝල් එකක් දෙන්නම්

තිබුන වැඩ ටික ඉවර උනහම මම කුමාරයට කතා කරලා හම්බුනා ,සීන් ඒක සල්ලි මාරු කරන කේස් එකක් හැබැයි ලොකු ගානක් අන්න එතනයි ගැටලුව කුමාරගේ යාළුවෙක්ට තමයි සල්ලි අයිති නමුත් හම්බවෙලා තියෙන්නේ ලංකාවට ආව විදේශිකයෙක්ගෙන් මාරු කරන්න තියෙන සල්ලි වල වටිනා කම කීයක්ද දන්නවද බිලියන 1 ක් .........

                 විනිමය අනුපාතයට අනුව අපේ රුපියල් එකක් එහෙ මුදලත් එක්ක බැලුවම සත 33 යි ,ඒ කියන්නේ මේ සල්ලි වල වටිනාකම අනුව මේ සල්ලි ප්‍රමානය රුපියල් කෝටි 34 ක් විතර වෙනවා
සෙල්ලන්ද නේද ? සල්ලි අයිතිකාරයා  කැමතියි භාගේ භාගේ බෙදා ගන්න මාරු කරලා නමුත් ප්‍රශ්නේ උනේ ඔච්චර සල්ලි ගොඩක් ලංකාව ඇතුලත මාරු කරයිද කියලා ඉතින් අපි හිතුවා මේ සල්ලි සිංගප්පුරුවට අරන් ගිහින් මාරු කරන්න  නැත්නම් බැංකොක් වලින් .

ගෙදර ඇවිත් මම නෙට් එකේ රවුමක් ගහ ගහ ඉන්න කොට මට මතක් උනා මේ ගැන පොඩ්ඩක් හොයලා බලන්න. ආහ් මට කියන්න අමතක උනානේ මේ සල්ලි සිම්බාබ්වේ ඩොලර් 

මම කලින් දැනගත්ත විදියට විනිමය අනුපාතය හරි ,තවත් ටිකක් මම මේ ගැන හොයාගෙන ගියා මම හිතුවේ ඒ රටේ ලොකුම කොලේ බිලියන 1කේ කොලේ වෙන්න ඇති කියලා නමුත් ට්‍රිලියන 100යේ කොළ හිටන් තියෙනවා පිස්සු හැදෙන සල්ලි ගොඩක්නේ ට්‍රිලියන 100ක් කිව්වම නේද ?

සල්ලිවල ප්‍රමාණයන් වැඩිකමටදෝ මම තවත් හෙව්වා මේ ගැන, මොකද ඉස්සර මෙහෙ හරියට කට්ට්ය අතේ තිබුනා  කුවේට් ඩිනාර් කොළ මිටි ගනන් යුද්දය පටන් ගන්න වෙලාවේ ලංකාවෙන් ගිහින් හිටපු ගෘහ සේවිකාවෝ අරන් අපුවා නමුත් යුද්දයෙන් පස්සේ ඒ මුදල් නෝට්ටු ඔක්කොම අවලංගු කළා ඒ කියන්නේ ඒවායේ වටිනා කමක් නැහැ නමුත් මේ මුදල් එහෙම අවලංගු කරපු ඒවත් නෙමෙයි,පුදුම කික් එකක් හිතට ආවේ සල්ලි කැන්සල් නැහැ කියන්නේ වැඩේ ශුවර් මට සල්ලි මාරු කරහම කෝටි 8.5 ක් හම්බවෙනවා අම්මේ හිතට දැනෙන සතුට කියලා නිමකරගන්න බැහැ ....

මට පහුවෙනිදා උදෙන්ම මතක් උනා සල්ලි මාරු කරන තැනක ඉන්න මගේ පරණ යාළුවෙක්ව මම ගත්තා මෑන්ට කෝල් එකක්

මම  :- මචන් සිම්බාබ්වේ බිලියන 1 කොලයක් තියෙනවා මාරු කරගන්න බැරිද බන් උබලගේ පොට් එකෙන්

යාළුවා :- පිස්සුද යකෝ ඕවා මාරු කරන්නේ නැහැ බන්

මම :-!@#$%^&*( ඒ මොකද බන් ඒ ?

යාලුවා මට කියපු විස්තරේ සාරාංශයක් තමයි මේ පල්ලෙහා තියෙන්නේ

සිම්බාබ්වේ  වල මුදලට පිළිගැනීමක් නැතිරටක්  ඒ තරමට උද්දමනය වැඩියි එකයි අර වගේ විශාල වටිනාකම් වලින් නෝට්ටු නිකුත් කරලා තියෙන්නේ ලෝකේ කිසිම රටකින් මේ සල්ලි මාරු කරන්නේ නැහැ මොකද විනිමය අනුපාතයට අනුව වටිනාකමක් තිබුනට වෙලදපොලේදී වටිනාකම බොහොම අඩුයි

මේ තියෙන්නේ බිලියන 100 කට සිම්බාබ්වේ වලදී ගන්න පුළුවන් දේ

බිත්තර  3 යි

මේ ඉන්නේ පුංචි සාදයක් පිළියෙළ කරපු ඒ රටේ මහත්තයෙක් බිල ගෙවනවා

හුගක් වෙලාවට මේ රටේ සල්ලි ගනන් කරන්නේ මෙහෙමයි

කොළ ප්‍රමාණය තීරණය වෙන්නේ බර අනුව ,පොඩ්ඩක් එහෙ මෙහේ උනා කියලා මොකෝ පාඩුවක් වෙනවා කියලය නේද?  ඒහේ පුංචි උන් සෙල්ලම් කරන්නෙත් සල්ලිවලින්

අපි කොයින්ද මේ වගේ ආතල් නේද

මේ  මුදල් වලට ලෝකේ ඉල්ලුමක් තියෙනවා සමරු විදියට් එක්කහු කරන අය මේවා e bay ඒක හරහා ගෙන්න ගන්නවා  US $ 14 ක් වගේ පොඩි ගානක් තමයි වියදම් වෙන්නේ ......

අන්තිමට මට කියවුනේ මෙහෙම ......

                                                        "අයියෝ සල්ලි "